ଆନ୍ଧ୍ର ପ୍ରଦେଶରେ ଏବେ ଧର୍ମାନ୍ତିକରଣ ମାଫିଆମାନଙ୍କର ଦୌରାତ୍ମ ସୀମା ଲଙ୍ଘିଛି । ସେମାନେ ଏବେ ସହର ଛାଡି ଗ୍ରାମାଚଂଳରେ ମଧ୍ୟ ଲୋକମାନଙ୍କୁ ବିଭିନ୍ନ ମାଧ୍ୟମରେ ଖ୍ରୀଷ୍ଟିଆନ ଧର୍ମରେ ପରିବର୍ତନ କରିବା ପାଇଁ ପୁରା ଜୋରରେ ଲାଗି ପଡିଛନ୍ତି ।
ଆନ୍ଧ୍ରର କଡପା ଜିଲ୍ଲାରେ ଖ୍ରୀଷ୍ଟମାସ ପାଳନ ଅବସରରେ ବାଇବେଲ ଚର୍ଚ୍ଚ ମିଶନ ସଂସ୍ଥାର ଲୋକମାନେ ରାସ୍ତା ଅବରୋଧ କରି ରାସ୍ତାରେ କ୍ରସ ରଖିବା ସହିତ ପୁରା ରାସ୍ତାରେ କାହାକୁ ଯିବା ପାଇଁ ଦେଉ ନଥିଲେ । ଏହି ସମୟରେ ଆନ୍ଧ୍ର ପ୍ରଦେଶ ସରକାରଙ୍କର ଜଣେ କର୍ମଚାରୀ ଯିଏ ଜଣେ ଦଳିତ ବର୍ଗର ଲୋକ ସେହି ସମୟରେ ଘରକୁ ଫେରୁଥିଲେ । ସେ ସେହି ରାସ୍ତା ଅବରୋଧକୁ ବିରୋଧ କରିବାରୁ ବାଇବେଲ ଚର୍ଚ୍ଚ ମିଶନର ଲୋକମାନେ ତାଙ୍କୁ ମାଡ ମାରିବା ସହିତ ଜାତି ଗତ ଆକ୍ଷେପ ମଧ୍ୟ କରିଥିଲେ ।
ଆକ୍ରମଣର ଶୀକାର ହୋଇଥିବା ଭେନୁଗୋପାଳ ଏହା ପରେ ପୋଲିସରେ ଅଭିଯୋଗ କରିଥିଲେ । ପୋଲିସ ତାଙ୍କ ଅଭିଯୋଗ ଅନୁସାରେ କିଛି ଲୋକଙ୍କୁ ଅଟକ ମଧ୍ୟ ରଖିଥିଲା । ହେଲେ ସ୍ଥାନୀୟ ରାଜନେତାଙ୍କ ଚାପରେ ପୋଲିସ ଓଲଟି ଭେନୁଗୋପାଳଙ୍କୁ ଧମକ ଚମକ ଦେଉଥିବାର ଅଭିଯୋଗ ମଧ୍ୟ ଆସିଛି ।
ବାଇବେଲ ଚର୍ଚ୍ଚ ମିଶନ ହେଉଛି ଆନ୍ଧ୍ର ପ୍ରଦେଶର ସବୁଠାରୁ ପୁରୁଣା ଖ୍ରୀଷ୍ଟିଆନ ସଂସ୍ଥା ଯାହାର ୧୧୪ଟି ଶାଖା ବିଭିନ୍ନ ସ୍ଥାନରେ ରହିଛି । ଏହି ସଂସ୍ଥା ବିଭିନ୍ନ ସ୍ଥାନରେ ଧର୍ମାନ୍ତିକରଣ କରାଇଥାଏ ବୋଲି ବିଭିନ୍ନ ସମୟରେ ଅଭିଯୋଗମାନ ଆସିଥାଏ । ହେଲେ ରାଜନୈତିକ ପୃଷ୍ଠପୋଷକତା ପାଇଁ ଏହି ସଂସ୍ଥା ଉପରେ କୌଣସି କାର୍ଯ୍ୟାନୁଷ୍ଠାନ ହୋଇନଥାଏ ।